മാനന്തവാടി: റേഷന്‍ വിതരണം സുതാര്യമാക്കാന്‍ സര്‍ക്കാര്‍ ഏര്‍പ്പെടുത്തിയ ഇ-പോസ് യന്ത്രം തകരാറിലായതിനെ തുടര്‍ന്ന് ഇന്നലെ ജില്ലയിലെ റേഷന്‍ വിതരണം സ്തംഭിച്ചു.
മാസം അവസാനിക്കാന്‍ ദിവസങ്ങള്‍ മാത്രമേ ഉള്ളൂ എന്നതിനാല്‍ നിരവധി ഉപഭോക്താക്കളാണ് റേഷന്‍ കടകളില്‍ എത്തി മടങ്ങിയത്.
സോഫ്റ്റ് വെയര്‍ തകരാറാണോ നെറ്റ് വര്‍ക്ക് തകരാറാണോ യന്ത്രം പ്രവര്‍ത്തിക്കാതിരിക്കാന്‍ കാരണമെന്ന് ഇതുവരെ വ്യക്തമായിട്ടില്ല. ഉച്ചയോടെ അടച്ച റേഷന്‍ കടകള്‍ ഉച്ചക്ക് ശേഷം തുറന്ന് പ്രവര്‍ത്തിച്ചില്ല.
മാനന്തവാടിയില്‍ 99ഉം, വൈത്തിരിയില്‍ 96ഉം സുല്‍ത്താന്‍ ബത്തേരിയില്‍ 123ഉം ഉള്‍പ്പെടെ 318 റേഷന്‍ കടകളാണ് പ്രവര്‍ത്തിക്കുന്നത്.