മലപ്പുറം: എം. ടി വാസുദേവന്‍ നായരുടെ രണ്ടാമൂഴം മഹാഭാരതമെന്ന പേരില്‍ സിനിമയാക്കുന്നതില്‍ പ്രതിഷേധവുമായി രംഗത്തുവന്ന ശശികലക്കെതിരേ ബ്ലോഗെഴുതാന്‍ മോഹന്‍ലാലിനെ ഉപദേശിച്ച് വി.ടി. ബല്‍റാം എം.എല്‍.എ.
മഹാഭാരതമെന്നാല്‍ സഹസ്രാബ്ദങ്ങളിലൂടെ വാമൊഴിയായി പകര്‍ന്ന് പ്രാദേശിക പാഠഭേദങ്ങളിലൂടെ വളര്‍ന്ന് വികസിച്ച കാവ്യപ്രപഞ്ചമാണ്.
അതൊരു കേവല മതഗ്രന്ഥമല്ലെന്നും അതുകൊണ്ടുതന്നെ മഹാഭാരതത്തിന്റെ കുത്തകാവകാശം ഏതെങ്കിലും വ്യക്തികള്‍ക്കോ സംഘടനകള്‍ക്കോ വിശ്വാസി വിഭാഗങ്ങള്‍ക്കോ തീറെഴുതിക്കൊടുക്കാവുന്നതല്ലെന്നും ബല്‍റാം ഓര്‍മിപ്പിക്കുന്നു.കെ.പി. ശശികലക്കും ഹിന്ദു ഐക്യവേദിക്കും താങ്കള്‍ ബ്ലോഗിലൂടെയോ മറ്റോ മറുപടി നല്‍കാനുദ്ദേശിക്കുന്നുണ്ടെങ്കില്‍ ഡോ. സുനില്‍ പി ഇളയിടത്തിന്റെ 'മഹാഭാരതം: സാംസ്‌കാരിക ചരിത്രം' എന്ന പ്രഭാഷണ പരമ്പര യൂട്യൂബിലൂടെ കേള്‍ക്കണമെന്നും മോഹന്‍ലാലിനെ ബല്‍റാം ഉപദേശിക്കുന്നു.