കാസര്‍കോട്: ജില്ലയില്‍  ബാങ്ക് വായ്പയെടുത്ത് റവന്യൂ റിക്കവറി നടപടികള്‍ നേരിടുന്നവര്‍ക്കു ജില്ലയിലെ വിവിധ വില്ലേജ് ഓഫിസുകളില്‍ ബാങ്ക് അധികാരികളുടെ  സഹകരണത്തോടെ  ഓഗസ്റ്റ് ആദ്യവാരം മുതല്‍ ബാങ്ക് ലോണ്‍ അദാലത്തു നടത്തും. അദാലത്തില്‍ ബാങ്ക് മാനേജര്‍മാരും റവന്യൂ ഉദ്യോഗസ്ഥരും പങ്കെടുക്കുന്നതും പരമാവധി  ഇളവുകള്‍ അനുവദിക്കുന്നതുമാണ്. ഈ അവസരം പരമാവധി ഉപയോഗിച്ച്  റവന്യൂ റിക്കവറി നടപടികള്‍ നേരിടുന്ന എല്ലാ കുടിശ്ശികക്കാരും ജപ്തി നടപടികളില്‍ നിന്ന് ഒഴിവാകേണ്ടതാണെന്ന് ജില്ലാ കലക്ടര്‍  ഇ ദേവദാസന്‍ അറിയിച്ചു. അദാലത്ത് സംബന്ധിച്ച വിശദവിവരങ്ങള്‍ക്കു ബന്ധപ്പെട്ട വില്ലേജ് ഓഫിസിലോ റവന്യൂ റിക്കവറി  തഹസില്‍ദാരുടെ  ഓഫിസിലോ ബന്ധപ്പെടണം.
ഹൊസ്ദുര്‍ഗ് താലൂക്കില്‍ അദാലത്ത് നടത്തുന്ന വില്ലേജ്, തീയതി, സ്ഥലം എന്നിവ. കാഞ്ഞങ്ങാട്, ഹൊസ്ദുര്‍ഗ്, ബല്ല - ഓഗസ്റ്റ് എട്ട് - താലൂക്ക് ഓഫിസ്, ചെറുവത്തൂര്‍ -ഓഗസ്റ്റ് ഒന്‍പത് - ചെറുവത്തൂര്‍ വില്ലേജ് ഓഫിസ്, പള്ളിക്കര, പനയാല്‍ - ഓഗസ്റ്റ് 10- ഉദുമ വില്ലേജ് ഓഫിസ്,  ഉദുമ, ബാര, പള്ളിക്കര-2-ഓഗസ്റ്റ് 10- ഉദുമ വില്ലേജ് ഓഫിസ്,  പുല്ലൂര്‍-പെരിയ- ഓഗസ്റ്റ് 17 - പെരിയ വില്ലേജ് ഓഫിസ്, അജാനൂര്‍, ചിത്താരി -ഓഗസ്റ്റ് 18- അജാനൂര്‍ വില്ലേജ് ഓഫിസ്, മടിക്കൈ, അമ്പലത്തറ-ഓഗസ്റ്റ് 19- മടിക്കൈ വില്ലേജ് ഓഫിസ്, നീലേശ്വരം, പേരോല്‍, പുതുക്കൈ ഓഫ് കാഞ്ഞങ്ങാട് - ഓഗസ്റ്റ് 22- നീലേശ്വരം വില്ലേജ് ഓഫിസ്,  കയ്യൂര്‍, ചീമേനി, ക്ലായിക്കോട്- ഓഗസ്റ്റ് 23- ചീമേനി വില്ലേജ് ഓഫിസ്,  പിലിക്കോട്, കൊടക്കാട്-ഓഗസ്റ്റ് 25-പിലിക്കോട് വില്ലേജ് ഓഫിസ്, പടന്ന, ഉദിനൂര്‍-ഓഗസ്റ്റ് 26-പടന്ന വില്ലേജ് ഓഫിസ്, നോര്‍ത്ത് തൃക്കരിപ്പൂര്‍, സൗത്ത് തൃക്കരിപ്പൂര്‍-ഓഗസ്റ്റ് 29- നോര്‍ത്ത് തൃക്കരിപ്പൂര്‍ വില്ലേജ് ഓഫിസ്, വലിയപറമ്പ -ഓഗസ്റ്റ് 30- വലിയപറമ്പ വില്ലേജ് ഓഫിസ്.