കരുനാഗപ്പള്ളി: പുത്തന്‍തെരുവില്‍ യുവാവിനെ അക്രമിച്ച് മോഷ്ടാവ് അഞ്ച് പവന്‍ സ്വര്‍ണം കവര്‍ന്നു. പുന്നക്കുളം പള്ളിയുടെ പടീറ്റതില്‍ അഫ്‌സല്‍ സലാമി(19)നാണ് മോഷ്ടാവിന്റെ അക്രമത്തില്‍ പരുക്കേറ്റത്. ഇയാളെ കരുനാഗപ്പള്ളി താലൂക്കാശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം പുലര്‍ച്ചെ ആറോടെയാണ് സംഭവം.
സലാമിന്റെ വീട്ടിലെ അടുക്കള വാതിലില്‍ കൂടി പ്രവേശിച്ച മോഷ്ടാവ് അലമാരിയില്‍ സൂക്ഷിച്ചിരുന്ന സ്വര്‍ണ്ണം കൈക്കലാക്കുകയായിരുന്നു. എന്നാല്‍ ശബ്ദംകേട്ട് ഉണര്‍ന്ന സലാം മോഷ്ടാവിനെ പിടികൂടിയെങ്കിലും കൈവശമുണ്ടായിരുന്ന ആയുധം കൊണ്ട് സലാമിന്റെ തലക്കും കൈയക്കും അടിച്ച് പരുക്കേല്‍പ്പിച്ച് രക്ഷപ്പെടുകയായിരുന്നു. കരുനാഗപ്പള്ളിയില്‍ നിന്നും പൊലിസെത്തി കേസെടുത്ത് അന്വേഷണം ആരംഭിച്ചു.