പേരാമ്പ്ര: സില്‍വര്‍ ആര്‍ട്‌സ് ആന്‍ഡ് സയന്‍സ് കോളജിലെ യു.ഡി.എസ്.എഫ് പ്രവര്‍ത്തകരെ പുറത്തുനിന്നെത്തിയ ഡി.വൈ.എഫ്.ഐ പ്രവര്‍ത്തകര്‍ ആക്രമിച്ചതായി പരാതി.
കെ.എസ്.യു കൊടിമരവും തോരണങ്ങളും ഫ്‌ളക്‌സ് ബോര്‍ഡുകളും സംഘം നശിപ്പിച്ചു. ആക്രമണത്തില്‍ പി. അര്‍ഷിന്‍ (19), മുസ്തഫ (20), മുഹമ്മദ് സഫീര്‍ (19) എന്നിവര്‍ക്കു പരുക്കേറ്റു. ഇവരെ പേരാമ്പ്ര താലൂക്ക് ആശുപത്രിയില്‍ പ്രവേശിപ്പിച്ചു.
സംഭവത്തില്‍ പ്രതിഷേധിച്ച് കെ.എസ്.യു, എം.എസ്.എഫ് പ്രവര്‍ത്തകര്‍ പേരാമ്പ്രയില്‍ പ്രകടനം നടത്തി. അരുണ്‍ കഴിക്കയില്‍, മുനീര്‍ നൊച്ചാട്, അര്‍ജുന്‍ കറ്റയാട്ട്, ജിതിന്‍ മുതുകാട്, സി.എം ഷഹനാദ്, മുഹാദ് നരിനട, ജുനൈദ്, നിയാസ് കക്കാട്, മുഹ്‌സിന്‍ കോടേരിച്ചാല്‍ നേതൃത്വം നല്‍കി.