നിലമ്പൂര്‍: മമ്പാട് തോട്ടിന്റക്കരയില്‍ നിയന്ത്രണംവിട്ട കാര്‍ ബൈക്കുകളിലിടിച്ചു ബൈക്ക് യാത്രികനായ യുവാവ് മരിച്ചു. മമ്പാട് പൊങ്ങല്ലൂര്‍ മധുരക്കറിയന്‍ മുഹമ്മദിന്റെ മകന്‍ റാഷിദ് മോന്‍ (21) ആണ് മരിച്ചത്. ഗുരുതരമായി പരിക്കേറ്റ മുക്കം സ്വദേശി സുല്‍ഫിക്കറിനെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചു. ഇന്നലെ രാവിലെ പതിനൊന്നോടെയായിരുന്നു അപകടം.
മഞ്ചേരി മെഡിക്കല്‍ കോളജിലേക്കുള്ള യാത്രാമധ്യേയാണ് റാഷിദ്‌മോന്‍ മരിച്ചത്. മാതാവ്: നഫീസ. സഹോദരങ്ങള്‍: യൂനുസ്, റംസാന്‍, തുഫൈല്‍, സുഹാദ്, ജസ്‌ന.