എരമല്ലൂര്‍: മുസ്ലീം ലീഗിന്റെയും പ്രവാസി ലീഗിന്റേയും പ്രവര്‍ത്തനത്തില്‍ സജീവ സാന്നിധ്യമായിരുന്ന വാലയില്‍ റഷീദ് നിസ്വാര്‍ത്ഥ സേവനത്തിന്റെ ഉത്തമ മാതൃക കൂടിയായിരുന്നുവെന്ന് മുസ്ലീം ലീഗ് ജില്ലാ ജനറല്‍ സെക്രട്ടറി എ.എം. നസീര്‍ പറഞ്ഞു.
ജീവകാരുണ്യ പ്രവര്‍ത്തനങ്ങളില്‍ സജീവമായിരുന്ന റഷീദിന്റെ നിര്യാണം നികത്താനാകാത്ത വിടവാണെന്നും അദ്ദേഹം പറഞ്ഞു. അനുശോചന സമ്മേളനത്തില്‍ പൊന്‍പുറം മുസ്ലീം ജമാ അത്ത് മഹല്‍ വൈസ്പ്രസിഡന്റ് നിസാര്‍ അദ്ധ്യക്ഷതവഹിച്ചു. മുസ്ലീം ലീഗ് ജില്ലാ ജനറല്‍ സെക്രട്ടറി എ.എം. നസീര്‍, വൈസ് പ്രസിഡന്റ് എ.യഹിയ, എം.കെ അബ്ദുല്‍ വഹാബ്, കെ.എം നൈന, പൂക്കുഞ്ഞ് കോട്ടപ്പുറം, വി.എം. ബഷീര്‍, മഹല്‍ സെക്രട്ടറി ലിയാഖത്ത്, എന്നിവര്‍ പ്രസംഗിച്ചു. പൊന്‍പുറം മുസ്ലീം ജമാഅത്ത് മഹല്‍ ഇമാം ഹക്കീം ഫൈസി പ്രാര്‍ത്ഥന നടത്തി.
ടി.എ.അഹമ്മദ് കബീര്‍ എം.എല്‍.എ., കെ.പി.സി.സി. സെക്രട്ടറി എം.കെ.അബ്ദുള്‍ ഗഫൂര്‍ ഹാജി, പ്രവാസി ലീഗ് ജില്ലാ പ്രസിഡന്റ്, ഷുഹൈബ് അബ്ദുല്ല, മുന്‍ മുസ്ലിം ലീഗ് ജില്ലാ പ്രസിഡന്റ് എ.മുഹമ്മദ്, യൂത്ത് ലീഗ് മുന്‍ ജില്ല പ്രസിഡന്റ് ബി.എ.ഗഫൂര്‍, കര്‍ഷക തൊഴിലാളി സംസ്ഥാന സെക്രട്ടറി കെ.ബഷീര്‍ മൗലവി, കര്‍ഷക സംഘം ജില്ലാ പ്രസിഡന്റ് എന്‍.എ.ജബ്ബാര്‍ തുടങ്ങിയവര്‍  അനുശോചിച്ചു.