പന്തീരങ്കാവ്: ഒളവണ്ണ പഞ്ചായത്തിലെ കൈമ്പാലത്ത് സ്വകാര്യവ്യക്തിയുടെ നേതൃത്വത്തില്‍ തണ്ണീര്‍ത്തടത്തില്‍ മണ്ണിട്ടു നികത്തി കെട്ടിടം പണിയാന്‍ നടത്തുന്ന നീക്കത്തിനെതിരേ മാമ്പുഴ സംരക്ഷണ സമിതി പ്രതിഷേധ സമരം നടത്തി. ഡാറ്റാ ബാങ്കില്‍പെട്ട സ്ഥലത്ത് ഒന്നര ഏക്കര്‍ തണ്ണീര്‍ത്തടത്തില്‍ നിക്ഷേപിച്ച മണ്ണ് നീക്കംചെയ്യണമെന്നു സമര സമിതി ആവശ്യപ്പെട്ടു.
കുന്നത്തുപാലത്തിനു സമീപം നടന്ന പ്രതിഷേധ കൂട്ടായ്മ ഫൈസല്‍ പള്ളിക്കണ്ടി ഉദ്ഘാടനം ചെയ്തു. ടി.കെ.എ അസീസ് അധ്യക്ഷനായി. കെ.പി ആനന്ദന്‍ മനക്കല്‍ രാമദാസന്‍, പി. കോയ സുബൈര്‍, മഠത്തില്‍ അബ്ദുല്‍ അസീസ്, മുജീബ് ഒളവണ്ണ സംസാരിച്ചു.