വളാഞ്ചേരി: എഴുത്തൊരുമ, വയല്‍ പരിസ്ഥിതി കൂട്ടായ്മ, വളാഞ്ചേരി ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ് യൂനിറ്റ്, ജനമൈത്രി പൊലിസ് എന്നിവയുടെ സംയുക്താഭിമുഖ്യത്തില്‍ വളാഞ്ചേരി ബസ് സ്റ്റാന്‍ഡില്‍ ആരംഭിച്ച 'ഒരു ചെടി ഒരു പുസ്തകം നല്ല നാട്' പരിപാടി ആബിദ് ഹുസൈന്‍ തങ്ങള്‍ എം.എല്‍.എ ഉദ്ഘാടനം ചെയ്തു. വളാഞ്ചേരി ബസ് സ്റ്റാന്റില്‍ ചെടിച്ചട്ടികള്‍ സ്ഥാപിച്ച് പൊതു ഇടങ്ങളില്‍ ചെടികളും വായനാ ഇടങ്ങളും ഒരുക്കുകയാണ് പരിപാടിയുടെ ലക്ഷ്യം.
നഗരസഭാ വൈസ് ചെയര്‍മാന്‍ കെ.വി ഉണ്ണികൃഷ്ണന്‍ അധ്യക്ഷനായി. വളാഞ്ചേരി സര്‍ക്കിള്‍ ഇന്‍സ്‌പെക്ടര്‍ പ്രമോദ്, കൗണ്‍സിലര്‍ ടി.പി അബ്ദുല്‍ ഗഫൂര്‍, സലാം വളാഞ്ചേരി, കെ.എം ഫിറോസ് ബാബു, അഷ്‌റഫലി കാളിയത്ത്, നാസര്‍ ഇരിമ്പിളിയം, വി.കെ രഞ്ജിത്ത് സംസാരിച്ചു. നൂറുല്‍ ആബിദ് നാലകത്ത്, സുരേഷ് മേച്ചേരി, നിസാര്‍ പാലക്കല്‍, കെ. മുജീബ് റഹ്മാന്‍, കെ. റിയാസ്, മഹ്‌റൂഫ് കടലായി, ഉബൈദ് സി.പി, ഷഫീഖ് കെ.പി, ഷൗക്കത്തലി എ.പി, ഫാത്തിമ സുഹ്‌റ നേതൃത്വം നല്‍കി.