കോഴിക്കോട്: സുപ്രഭാതം ആറാം വാര്‍ഷിക പ്രചാരണ ക്യംപയിനിന്റെ ഭാഗമായുള്ള സമസ്ത നേതൃസംഗമം ഇന്ന്‌ രാവിലെ 10 മണിക്ക് കോഴിക്കോട് ഫ്രാന്‍സിസ് റോഡിലെ സമസ്ത ആസ്ഥാന മന്ദിരത്തില്‍ നടക്കും. ഈ മാസം 22 മുതല്‍ ആഗസ്റ്റ് 16 വരെയാണ് ക്യാംപയിന്‍ കാലയളവ്. സംസ്ഥാനത്തിനകത്തും പുറത്തുമായുള്ള 450 ഓളം വരുന്ന റൈഞ്ച് തല ജംഇയത്തുല്‍ മുഅല്ലിമീന്‍ കമ്മിറ്റികളുടെ മേല്‍നോട്ടത്തിലാണ് ക്യാംപയിന്‍ ആചരിക്കുന്നത്.

ഇന്ന്‌ നടക്കുന്ന നേതൃസംഗമത്തില്‍ സമസ്തയുടെയും കീഴ്ഘടകങ്ങളുടെയും സംസ്ഥാന തല നേതാക്കളും റൈഞ്ച് തല ജംഇയ്യത്തുല്‍ മുഅല്ലിമീന്‍ ഭാരവാഹികളും പങ്കെടുക്കും. സംഗമം സമസ്ത കേരള ജംഇയ്യത്തുല്‍ ഉലമാ ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാരുടെ അധ്യക്ഷതയില്‍ സമസ്ത പ്രസിഡണ്ട് സയ്യിദ് മുഹമ്മദ് ജിഫ്രി മുത്തുകോയ തങ്ങള്‍ ഉദ്ഘാടനം ചെയ്യും. ആരോഗ്യ മാസിക പ്രഖ്യാപനം പാണക്കാട് സയ്യിദ് ഹമീദലി ശിഹാബ് തങ്ങളും മുഖ്യ പ്രഭാഷണം എം.ടി അബ്ദുള്ള മുസ്‌ലിയാരും നിര്‍വ്വഹിക്കും.