മാവൂര്‍: ജില്ലാ എസ്.കെ.എസ്.എസ്.എഫ് സംഘടിപ്പിക്കുന്ന റമദാന്‍ പ്രഭാഷണം 28ന് തുടങ്ങും. മാവൂര്‍ കണ്ണിയത്ത് ഉസ്താദ് നഗറില്‍ (സി.ഐ.ടി.യു ഗ്രൗണ്ട്) നടക്കുന്ന പരിപാടി ഞായറാഴ്ച രാവിലെ 8.30ന് സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. തുടര്‍ന്ന് 'വിശ്വാസിയുടെ വീട് ' വിഷയത്തില്‍ അന്‍വര്‍ മുഹ്‌യുദ്ദീന്‍ ഹുദവി ആലുവ പ്രഭാഷണം നടത്തും.
29, 30, 31, ജൂണ്‍ ഒന്ന്, മൂന്ന്, നാല് തിയതികളില്‍ അന്‍വര്‍ മുഹ്‌യുദ്ദീന്‍ ഹുദവി, മുനീര്‍ ഹുദവി പാതിരമണ്ണ, റഹ്മത്തുല്ലാഹ് ഖാസിമി മൂത്തേടം, ഓണമ്പിള്ളി മുഹമ്മദ് ഫൈസി, അന്‍വര്‍ മുഹ്‌യുദ്ദീന്‍ ഹുദവി എന്നിവര്‍ വിവിധ വിഷയങ്ങളില്‍ പ്രഭാഷണം നടത്തും. രാവിലെ 8.30 മുതല്‍ ഉച്ചക്ക് 12.30 വരെയാണ് പ്രഭാഷണം.