ഇന്ത്യന്‍ ഫുട്‌ബോള്‍
താരം ഡാലിമ ഇനി
കാനഡയില്‍

കൊല്‍ക്കത്ത: ഇന്ത്യന്‍ വനിതാ ഫുട്‌ബോളിലെ സൂപ്പര്‍ താരം ഡാലിമ ചിബ്ബര്‍ കാനഡയിലേക്ക് പോകുന്നു. ഉപരിപഠനത്തിന് വേണ്ടിയാണ് ഡാലിമ കാനഡയിലേക്ക് പോകുന്നതെന്ന് താരം ട്വിറ്ററില്‍ അപ്‌ലോഡ് ചെയത വിഡിയോയില്‍ പറഞ്ഞു.
ഇനി കുറച്ച് കാലം ഇന്ത്യന്‍ ടീമിനൊപ്പം ഉണ്ടാകില്ലെന്നും ഉപരിപഠനത്തിന് വേണ്ടിയാണ് പോകുന്നതെന്നും ഡാലിമ വ്യക്തമാക്കി. സാഫ് കപ്പില്‍ അടക്കം ഇന്ത്യക്കായി ഗംഭീര പ്രകടനം കാഴ്ചവച്ചിട്ടുള്ള ഡാലിമയുടെ പോക്ക് ഇന്ത്യന്‍ ഫുട്‌ബോളിന് നഷ്ടമാകും.
മധ്യനിരയില്‍ മികച്ച പ്രകടനം പുറത്തെടുക്കുന്ന താരം സാഫ് കപ്പില്‍ ഇന്ത്യക്കായി ഗംഭീര പ്രകടനമായിരുന്നു പുറത്തെടുത്തത്. അടുത്ത മൂന്ന് വര്‍ഷവും കാനഡയില്‍ ആയിരിക്കും.
അതിനാല്‍ ഇന്ത്യയുടെ ദേശീയ ടീമിനൊപ്പം ഉണ്ടാകില്ല എന്നാണ് താരം വിഡിയോയിലൂടെ വ്യക്തമാക്കിയത്. വനിതാ ലീഗില്‍ ഗോകുലം കേരള എഫ്.സിയുടെ താരം കൂടിയാണ് ഡാലിമ. താരം കാനഡയില്‍ ആകും ഇനി ഫുട്‌ബോള്‍ കളിക്കുക എന്നും വ്യക്തമാക്കി. കാനഡ വനിതാ ഫുട്‌ബോളിലെ വലിയ ശക്തിയാണ്.
അതിനാല്‍ അവിടെ മികച്ച ക്ലബുകള്‍ ഉണ്ടെന്നും അവിടെ കളിക്കാന്‍ അവസരം തേടുമെന്നും ഡാലിമ പറഞ്ഞു. വനിതാ ഫുട്‌ബോള്‍ ലീഗില്‍ ഗോകുലത്തിനായും ഡാലിമ മികച്ച പ്രകടനമായിരുന്നു പുറത്തെടുത്തത്.