കൊച്ചി: എറണാകുളം അങ്കമാലി അതിരൂപതയിലെ കര്‍ദിനാള്‍ വിരുദ്ധവിഭാഗം വൈദികര്‍ ബിഷപ് ഹൗസിനുള്ളില്‍ ആരംഭിച്ച ഉപവാസ സമരം അവസാനിപ്പിച്ചു. മൂന്നു ദിവസമായി നടന്നുവന്ന സമരം സ്ഥിരം സിനഡുമായി നടന്ന ദീര്‍ഘമായ ചര്‍ച്ചക്കൊടുവിലാണ് അവസാനിപ്പിച്ചതെന്ന് ഫാ.ജോസ് വൈലിക്കോടത്ത്, അതിരൂപത വൈദിക സമിതി സെക്രട്ടറി ഫാ.കുര്യാക്കോസ് മുണ്ടാടന്‍ എന്നിവര്‍ വാര്‍ത്താ സമ്മേളനത്തില്‍ പറഞ്ഞു.