അത്താണി: അവണൂര്‍ പഞ്ചായത്തില്‍ അംഗങ്ങളുടെ സത്യപ്രതിജ്ഞാ ചടങ്ങ് നടക്കുന്നതിനിടെ കമ്മ്യൂണിറ്റി ഹാളിന്റെ സീലിങ്ങ് അടര്‍ന്നു വീണത് പരിഭ്രാന്തിക്കിടയാക്കി. അഞ്ചാം വാര്‍ഡ് മെമ്പര്‍ തോംസണ്‍ തലക്കോടന്‍ സത്യവാചകം ചൊല്ലുന്നതിനിടയിലായിരുന്നു അപകടം.
ഇതോടെ ഹാളിലാകെ ബഹളമായി. വരണാധികാരി 10 മിനിറ്റോളം ചടങ്ങ് നിര്‍ത്തിവെച്ചു. സീലിങ്ങിന്റെ ഫൈബര്‍ ഷീറ്റുകളും മറ്റ് അനുബന്ധ വസ്തുക്കളുമൊക്കെ നീക്കം ചെയ്ത ശേഷമാണ് സത്യപ്രതിജ്ഞ പുനരാരംഭിച്ചത്.