മലപ്പുറം: മുസ് ലിം ലീഗ് നേതാക്കളായ പി.കെ കുഞ്ഞാലിക്കുട്ടിയും സാദിഖലി തങ്ങളും താമരശ്ശേരി ബിഷപ്പുമായി കൂടിക്കാഴ്ച നടത്തി. ക്രിസ്തുമസ് ആശംസകള്‍ അറിയിക്കാനായിരുന്നു കൂടിക്കാഴ്ചയെന്ന് ഇരു ഭാഗവും പ്രതികരിച്ചു. മലപ്പുറം കുന്നുമ്മലിലെ ഫെറോന പള്ളി സന്ദര്‍ശിച്ച ശേഷം താമരശ്ശേരി രൂപതമെത്രാന്‍ ഫാദര്‍ റെമോജിയോസിസ് ഇഞ്ചനാനിയലിനേയും സന്ദര്‍ശിക്കുകയായിരുന്നു.

നിയമസഭ തെരഞ്ഞെടുപ്പ് അടുത്ത ഘട്ടത്തിലുള്ള ഈ കൂടിക്കാഴ്ചയെ ഏറെ രാഷ്ട്രീയ പ്രാധാന്യത്തോടെയാണ് നിരീക്ഷകര്‍ നോക്കിക്കാണുന്നത്. അടുത്ത് കഴിഞ്ഞ പ്രാദേശിക തെരഞ്ഞെടുപ്പില്‍ ക്രിസ്ത്യന്‍ മേഖലകളില്‍ നിന്നുണ്ടായ തിരിച്ചടിയും ഇതിന് ആക്കം കൂട്ടുന്നു.