ശാസ്താംകോട്ട(കൊല്ലം): പുതിയ റേഷന്‍കാര്‍ഡില്‍ പോരുവഴി കാഞ്ഞരവിളയില്‍ ബിജു സാമുവേല്‍ സര്‍ക്കാര്‍ ജീവനക്കാരനായി. കര്‍ഷകനായ ഇയാളെ മാതാവിന്റെ പേരിലുള്ള കാര്‍ഡിലാണ് സര്‍ക്കാര്‍ ജീവനക്കാരനാക്കിയത്.
മാസങ്ങള്‍ക്കു മുന്‍പ് റേഷന്‍ ലിസ്റ്റ് പ്രസിദ്ധീകരിച്ചപ്പോള്‍ ബി.പി.എല്‍ വിഭാഗത്തില്‍ ഉള്‍പ്പെട്ടിരുന്ന കാര്‍ഡ് എ.പി.എല്‍ വിഭാഗത്തിലേക്കും മാറ്റി. ഇപ്പോഴും 250 രൂപ മാത്രമാണ് കാര്‍ഡിലെ മാസവരുമാനം. കര്‍ഷകനെ സര്‍ക്കാര്‍ ഉദ്യോഗസ്ഥനാക്കിയപ്പോള്‍ കാര്‍ഡ് എ.പി.എല്‍ ആക്കാതിരിക്കാന്‍ പറ്റില്ലല്ലോ.