പാലക്കാട്: മൂന്നുദിവസങ്ങളിലായി പാലക്കാട് ധോണി ലീഡ്‌സ് മാനേജ്‌മെന്റ് കാംപസില്‍ നടന്ന എസ്.കെ.എസ്.എസ്.എഫ് ട്രെന്‍ഡ് സംസ്ഥാന എക്‌സിക്യുട്ടിവ് ക്യാമ്പ് 'ചൂട്ട്' സമാപിച്ചു. 25ന് രാത്രി ആരംഭിച്ചു 27ന് ഉച്ചയ്ക്ക് സമാപിച്ച ക്യാമ്പില്‍ ജില്ലാ ട്രെന്റ് പ്രതിനിധികളും പ്രൊജക്ട് കോഡിനേറ്റര്‍മാരുമാണ് പങ്കെടുത്തത്.
എസ്.കെ.എസ്.എസ്.എഫ് സംസ്ഥാന ജനറല്‍ സെക്രട്ടറി സത്താര്‍ പന്തലൂര്‍ ഉല്‍ഘാടനം ചെയ്തു. ട്രെന്റ് ചെയര്‍മാന്‍ റഷീദ് കോടിയൂറ അധ്യക്ഷത വഹിച്ചു. ഡോ. സുബൈര്‍ ഹുദവി ചേകനൂര്‍, ഹബീബ് ഫൈസി കോട്ടോപാടം, ലീഡ് ഡയറക്ടര്‍ ഡോ. തോമസ് ജോര്‍ജ്, ഡോ. അബ്ദുല്‍ മജീദ് കൊടക്കാട് എന്നിവര്‍ വിവിധ സെഷനുകള്‍ക്ക് നേതൃത്വം നല്‍കി. കഴിഞ്ഞ ആറുമാസത്തെ പ്രൊജക്ട് വിലയിരുത്തലും അടുത്ത ആറു മാസത്തേക്കുള്ള പദ്ധതി ആസൂത്രണവും നടന്നു.
'അസ്തിത്വം, അവകാശം യുവനിര വീണ്ടെടുക്കുന്നു' എന്ന പ്രമേയത്തില്‍ സംസ്ഥാന പ്രിസിഡന്റ് സയ്യിദ് ഹമീദ് അലി ശിഹാബ് തങ്ങള്‍ നയിക്കുന്ന മുന്നേറ്റയാത്ര വിജയിപ്പിക്കാനുള്ള പരിപാടികള്‍ക്ക് ക്യാമ്പ് അന്തിമ രൂപം നല്‍കി.
ശാഫിമാസ്റ്റര്‍ ആട്ടീരി, ഡോ. ഖയ്യൂം കടമ്പോട്, കെ.കെ മുനീര്‍ വാണിമേല്‍, സിദ്ദീഖുല്‍ അക്ബര്‍ വാഫി, നാസര്‍ മാസ്റ്റര്‍ കൊല്ലം, മാലിക് ചെറുതിരുത്തി, ജംശീര്‍ വാഫി കുടക്, സ്വാലിഹ് ഇടുക്കി, ശമീര്‍ ഹംസ പെരിങ്ങമല, അനസ് പൂക്കോട്ടൂര്‍, എന്‍.എ സിദ്ദീഖ് മന്ന, ബാബു മാസ്റ്റര്‍ പാലക്കാട് തുടങ്ങിയവര്‍ പ്രസംഗിച്ചു.