കല്‍പ്പറ്റ: കര്‍ഷകവിരുദ്ധ നിയമങ്ങള്‍ പിന്‍വലിക്കണമെന്നാവശ്യപ്പെട്ട് കാര്‍ഷിക പുരോഗമന സമിതി സംസ്ഥാന കമ്മിറ്റിയുടെ നേതൃത്വത്തില്‍ നാളെ രാവിലെ 10ന് കോഴിക്കോട് ഇന്‍ഡോര്‍ സ്‌റ്റേഡിയത്തില്‍ പ്രതിഷേധ ജ്വാല തെളിയിക്കും.
പകല്‍ സമയത്തു പോലും കണ്ണടച്ച് ഇരുട്ടാക്കുന്ന സമീപനമാണ് കേന്ദ്ര ഭരണാധികാരികള്‍ സ്വീകരിച്ചുകൊണ്ടിരിക്കുന്നതെന്ന് സമിതി അഭിപ്രായപ്പെട്ടു. കര്‍ഷകരുടെ സമരത്തിനു മുഖം കൊടുക്കാതെ പുറംതിരിഞ്ഞു നില്‍ക്കുകയാണവര്‍. കണ്ണടച്ച് ഇരുട്ടാക്കുന്നതിനെതിരേയും കര്‍ഷക വിരുദ്ധനിയമങ്ങള്‍ പിന്‍വലിക്കണമെന്ന് ആവശ്യപ്പെട്ടുമാണ് പ്രതിഷേധ ജ്വാല തെളിയിക്കുന്നതെന്ന് സമിതി സംസ്ഥാന ചെയര്‍മാന്‍ പി.എം ജോയ് പറഞ്ഞു.