ഭോപ്പാല്‍: അങ്കണവാടി കുട്ടികള്‍ക്കുള്ള ഉച്ചഭക്ഷണം പാകം ചെയ്യുന്നത് ശുചിമുറിയില്‍നിന്ന്. ശിവപുരി ജില്ലയിലെ കരേരയിലാണ് സംഭവം. ഭക്ഷണം പാകം ചെയ്യാന്‍ മതിയായ സൗകര്യമില്ലെന്ന് ചൂണ്ടിക്കാട്ടിയാണ് അങ്കണവാടി ജീവനക്കാര്‍ ശുചിമുറിയില്‍ വച്ച് ഭക്ഷണം പാകം ചെയ്യുന്നത്.
എന്നാല്‍ ഭക്ഷണം ഉണ്ടാക്കുന്നതിനായി സ്ഥലം തയാറാക്കണമെന്നാവശ്യപ്പെട്ട് നിരവധി തവണ അധികൃതര്‍ക്ക് മുന്നില്‍ നിവേദനം നല്‍കിയിരുന്നുവെന്ന് അങ്കണവാടി ജീവനക്കാരി രാജകുമാരി യോഗി പറഞ്ഞു.