HOME
DETAILS

ബിജു വധം: പ്രതികള്‍ ഉപയോഗിച്ച ബൈക്കും വാളും കണ്ടെത്തി

  
backup
May 29 2017 | 21:05 PM

%e0%b4%ac%e0%b4%bf%e0%b4%9c%e0%b5%81-%e0%b4%b5%e0%b4%a7%e0%b4%82-%e0%b4%aa%e0%b5%8d%e0%b4%b0%e0%b4%a4%e0%b4%bf%e0%b4%95%e0%b4%b3%e0%b5%8d%e2%80%8d-%e0%b4%89%e0%b4%aa%e0%b4%af%e0%b5%8b%e0%b4%97


പയ്യന്നൂര്‍: ആര്‍.എസ്.എസ് നേതാവ് രാമന്തളി കക്കംപാറയിലെ ചൂരക്കാട്ട് ബിജുവിനെ വെട്ടിക്കൊലപ്പെടുത്തിയ കേസില്‍ പ്രതികള്‍ ഉപയോഗിച്ച ബൈക്കും വാളും അന്വേഷണ സംഘം കണ്ടെത്തി. കസ്റ്റഡിയിലുള്ള കക്കംപാറയിലെ റിനീഷ്, കെ.വി ജ്യോതിഷ് എന്നിവരുമായി പയ്യന്നൂര്‍ എസ്.ഐ കെ.പി ഷൈന്‍ നടത്തിയ തെളിവെടുപ്പിലാണ് കണ്ടങ്കാളി റെയില്‍വേ ഗേറ്റിന് സമീപം കുറ്റിക്കാട്ടില്‍ ഉപേക്ഷിച്ച നിലയില്‍ വാള്‍ കണ്ടെത്തിയത്.
മുതിയലത്തെ ഒരു വീട്ടില്‍ നിന്നാണ് ബൈക്ക് കണ്ടെത്തിയത്. കൊലപാതകത്തിന് ശേഷം ഇന്നോവ കാറില്‍ അക്രമികള്‍ കണ്ടങ്കാളി വഴി രക്ഷപ്പെടുന്നതിനിടെയാണ് വാള്‍ ഉപേക്ഷിച്ചത്. തുടര്‍ന്ന് പ്രതികള്‍ മുതിയലത്തെ ഒരുവീട്ടില്‍ ഒളിവില്‍ കഴിഞ്ഞതായും കണ്ടെത്തിയിട്ടുണ്ട്. കഴിഞ്ഞ ദിവസം രാത്രിനടന്ന തെളിവെടുപ്പിന് ശേഷം പ്രതികളെ ഇന്നലെ പയ്യന്നൂര്‍ ഒന്നാംക്ലാസ് മജിസ്‌ട്രേറ്റ് കോടതിയില്‍ ഹജരാക്കി.
റിമാന്‍ഡില്‍ കഴിയുന്ന കേസിലെ മുഖ്യപ്രതിയും ഡി.വൈ.എഫ്.ഐ നേതാവുമായ ടി.പി അനൂപ്, പാണത്താന്‍  സത്യന്‍ എന്നിവരെ കണ്ണൂര്‍ സ്‌പെഷല്‍ ജയിലില്‍ തെളിവെടുപ്പിന് വിധേയരാക്കി. കൊല്ലപ്പെട്ട ബിജുവിനൊപ്പം ബൈക്കിലുണ്ടായിരുന്ന കക്കംപാറയിലെ പണ്ടാരവളപ്പില്‍ രാജേഷാണ് ഇവരെ തിരിച്ചറിഞ്ഞത്. ഇവരെ ഇന്ന് പൊലിസ് കസ്റ്റഡിയില്‍ ലഭിക്കും. നിലവില്‍ അഞ്ചുപേരാണ് പിടിയിലായത്. ആകെ ഏഴ് പ്രതികളുള്ള കേസില്‍ ഒരാള്‍ വിദേശത്തേക്ക് കടന്നതായി അന്വേഷണ സംഘത്തിന് തെളിവ് ലഭിച്ചിട്ടുണ്ട്. അതിനിടെ റിമാന്‍ഡില്‍ കഴിയുന്ന അഞ്ചാംപ്രതി കക്കംപാറയിലെ വടക്കുമ്പത്ത് ജിതിനെ ഇന്നലെ പൊലിസ് കസ്റ്റഡിയില്‍ ലഭിച്ചിട്ടുണ്ട്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."