ന്യൂഡല്‍ഹി: ഇന്ത്യ-പാകിസ്താന്‍ ക്രിക്കറ്റ് മത്സരങ്ങള്‍ക്കായി ബി.സി.സി.ഐ മുന്‍കൈയെടുക്കേണ്ടതില്ലെന്ന് കേന്ദ്ര കായിക മന്ത്രി വിജയ് ഗോയല്‍. ഇക്കാര്യത്തില്‍ പാകിസ്താന്‍ ക്രിക്കറ്റ് ബോര്‍ഡുമായി ചര്‍ച്ച വേണ്ടെന്നും ഗോയല്‍ വ്യക്തമാക്കി. കഴിഞ്ഞ ദിവസം ദുബൈയില്‍ ഇരു ക്രിക്കറ്റ് ബോര്‍ഡുകളും പരമ്പരയ്ക്കായി ചര്‍ച്ച നടത്തിയിരുന്നു. ഈ സാഹചര്യത്തിലാണ് ബി.സി.സി.ഐ ഗോയല്‍ നിര്‍ദേശം നല്‍കി.
അതിര്‍ത്തി കടന്നുള്ള തീവ്രവാദം അവസാനിപ്പിക്കാത്തിടത്തോളം പാകിസ്താനുമായി പരമ്പര വേണ്ടെന്ന് കേന്ദ്ര സര്‍ക്കാര്‍ ബി.സി.സി.ഐയെ അറിയിച്ചിരുന്നു. അതേസമയം പരമ്പര നടക്കാത്തതിനെ തുടര്‍ന്ന് ഇരുരാജ്യങ്ങളും തമ്മില്‍ ധാരണപത്രം പ്രകാരം ബി.സി.സി.ഐക്കെതിരേ പി.സി.ബി നഷ്ടപരിഹാരം ആവശ്യപ്പെട്ടിട്ടുണ്ട്.