കോഴിക്കോട്: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് അസ്മിയുടെ കീഴില്‍ പരിഷ്‌കരിച്ചു തയാറാക്കിയ എല്‍.കെ.ജി, യു.കെ.ജി ക്ലാസുകളിലേക്കുള്ള പാഠപുസ്തകങ്ങളുടെ വിതരണം തുടങ്ങി.
പരിസ്ഥിതി പഠനം, ഇംഗ്ലീഷ്, കണക്ക് എന്നീ വിഷയങ്ങള്‍ ഒറ്റ പുസ്തകമാക്കി ഓരോ ടേമിലേക്ക് ഓരോന്നു വീതവും അറബി, മലയാളം എന്നീ വിഷയങ്ങള്‍ക്കുള്ള പുസ്തകങ്ങളുമാണ് തയാറാക്കിയിട്ടുള്ളത്. അക്കാദമിക രംഗത്തെ വിദഗ്ധര്‍ തയാറാക്കിയ പാഠപുസ്തകങ്ങള്‍ മികച്ച നിലവാരം പുലര്‍ത്തുന്നതോടൊപ്പം താരതമ്യേന വിലയിലും കുറവാണ്. കോഴിക്കോട് ഫ്രാന്‍സിസ് റോഡിലെ സമസ്ത ബുക്ക് ഡിപ്പോ മുഖേനയാണ് പാഠപുസ്തകങ്ങളുടെ വിതരണം.