കുന്നംകുളം: കോട്ടോല്‍ നായാടി കോളനിയില്‍ ജില്ലാ പൊലിസ് മേധാവി സന്ദര്‍ശനം നടത്തി. കോളനികളിലെ നിലവിലെ സാഹചര്യങ്ങളെ കുറിച്ച് മനസിലാക്കുന്നതിനായാണ് നിശാന്തിനി ഐ.പി.എസ് കോട്ടോലിലെത്തിയത്. എസ്.സി മോണിറ്ററിങ് കമ്മിറ്റി മേധാവി കൂടിയായ എസ്.പി കോളനികളിലെ വിദ്യാര്‍ഥികളുടെ വിദ്യാഭ്യാസം, ജീവിത രീതികള്‍ തുടങ്ങി ഇവര്‍ നേരിടുന്ന പ്രശ്‌നങ്ങള്‍ സംബന്ധിച്ച് നേരിട്ട് ബോധ്യപ്പെടുക എന്ന ലക്ഷ്യത്തോടെയാണ് കോളനി സന്ദര്‍ശനം നടത്തിയത്.
ഇവര്‍ക്കാവശ്യമെങ്കില്‍ തൊഴില്‍ പരിശീലനം നല്‍കാന്‍ പൊലിസ് മുന്‍കയ്യെടുക്കുമെന്നും ഇതിന് ആവശ്യമായ പണം നല്‍കുമെന്നും എസ്.പി ഉറപ്പു നല്‍കി. ഡി.വൈ.എസ്.പി ഫെയ്മസ് വര്‍ഗീസ്, സി.ഐ രാജേഷ്, കെ.മേനോന്‍, എസ്.ഐ ഫര്‍ഷാദ്, വാര്‍ഡ് മെമ്പര്‍ ജമാല്‍ കോട്ടോല്‍, ഡി.എസ്.എസ് സംസ്ഥാന ചെയര്‍മാന്‍ ടി.കെ ബാബു, നാരായണന്‍, ശശി സംബന്ധിച്ചു.