മനില: ശക്തമായ കാറ്റിലും തിരമാലകളിലും പെട്ട് മൂന്നു ബോട്ടുകള്‍ ചേര്‍ത്തുണ്ടാക്കിയ ഫെറി തകര്‍ന്ന് ഫിലിപ്പൈന്‍സില്‍ 31 പേര്‍ മരിച്ചു. മൂന്നു പേരെ കാണാതായി. ഫെറിയിലൂടെ മറുകരയിലേക്ക് യാത്ര ചെയ്യുന്നവരാണ് മരിച്ചവരില്‍ കൂടുതലും. അതേസമയം 62 യാത്രക്കാരെയും ജീവനക്കാരെയും രക്ഷപ്പെടുത്തിയതായി തീരദേശസേന വക്താവ് അര്‍മാന്‍ഡ് ബലീലോ അറിയിച്ചു.
യാത്ര പുഴയുടെ മധ്യത്തിലെത്തിയപ്പോള്‍ അന്തരീക്ഷം പെട്ടെന്ന് മാറി കനത്ത മഴയും കാറ്റും വരുകയായിരുന്നു. അതേസമയം മോശമായ കാലാവസ്ഥയില്‍ രണ്ടു ഫെറികള്‍ പോയ ശേഷം മൂന്നാമതൊരെണ്ണം കൂടി യാത്രചെയ്യാന്‍ അനുവദിച്ചത് എന്തുകൊണ്ടെന്ന് അന്വേഷിക്കുമെന്ന് അധികൃതര്‍ പറഞ്ഞു. കനത്ത മഴയുണ്ടാവുമെന്ന് കാലാവസ്ഥാ വിഭാഗം മുന്നറിയിപ്പു നല്‍കിയിരുന്നു.