അമൃത്‌സര്‍: സംസ്ഥാനത്ത് നഗരങ്ങളും ചെറുപട്ടണങ്ങളും സൗന്ദര്യവല്‍ക്കരിക്കാന്‍ തീരുമാനം. ഇതോടൊപ്പം പരിസ്ഥിതിയോട് അടുത്തു നില്‍ക്കുന്നതിനായി മരങ്ങളും ചെടികളും നട്ടുപിടിപ്പിക്കാനും ഇതുവഴി ഹരിതാഭമായ ഒരു അന്തരീക്ഷം സൃഷ്ടിക്കാനുമുള്ള പദ്ധതികള്‍ക്ക് സംസ്ഥാന സര്‍ക്കാര്‍ നിര്‍ദേശം നല്‍കി. വായുമലിനീകരണം കാരണം കടുത്ത പ്രതിസന്ധി ഉയരുന്ന സാഹചര്യത്തിലാണ് നഗരങ്ങളില്‍ മരങ്ങളും ചെടികളും നട്ടുപിടിപ്പിച്ച് പുതിയൊരു രീതി നടപ്പാക്കാന്‍ സര്‍ക്കാര്‍ തീരുമാനിച്ചത്.
സ്‌കൂള്‍ വിദ്യാര്‍ഥികളില്‍ പരിസ്ഥിതി സന്ദേശം പ്രചരിപ്പിക്കാനും പരിസ്ഥിതി ബോധവല്‍ക്കരണത്തിനായി നഗരങ്ങളില്‍ ഇതുമായി ബന്ധപ്പെട്ട ചിത്രങ്ങളും മറ്റും വരയ്ക്കാനും തീരുമാനിച്ചിട്ടുണ്ട്.