ജിദ്ദ:ന്യൂസിലന്‍ഡ് പള്ളിയിലുണ്ടണ്ടായ ഭീകരാക്രമണത്തില്‍ മരിച്ചവരുടെ ബന്ധുക്കളും പരുക്ക് പറ്റിയവരും ഹജ്ജിനായി മക്കയിലെത്തി. 200 പേരാണ് പുണ്യ ഭൂമിയിലിറങ്ങിയത്. ജിദ്ദ വിമാനത്താവളത്തില്‍ ഉദ്യോഗസ്ഥര്‍ ചേര്‍ന്ന് പൂക്കളും ഉപഹാരവും നല്‍കി സ്വീകരിച്ചു. കൊല്ലപ്പെട്ടവരുടെ ബന്ധുക്കള്‍, പരുക്കേറ്റവര്‍, എന്നിവരുടെ ആദ്യ സംഘത്തിന് ഊഷ്മളമായ സ്വീകരണമാണ് ജിദ്ദ വിമാനത്താവളത്തില്‍ ലഭിച്ചത്. 51 പേരാണ് ആക്രമണത്തില്‍ കൊല്ലപ്പെട്ടത്. 49 പേര്‍ക്ക് പരിക്കേല്‍ക്കുകയും ചെയ്തു. പരുക്കേറ്റവരെല്ലാം ഹജ്ജിനെത്തും.