മാലെ: മാലദ്വീപ് മുന്‍വൈസ് പ്രസിഡന്റ് അഹമ്മദ് അദീബിനെ ജയിലിലേക്ക് മാറ്റി. നിരവധി കേസുകളില്‍ നിയമനടപടി നേരിടുന്നതിനിടയില്‍ ഇവിടെ നിന്ന് രക്ഷപ്പെട്ട് ഇന്ത്യയിലേക്ക് കടന്ന അദ്ദേഹത്തെ ഇന്ത്യന്‍ കോസ്റ്റ് ഗാര്‍ഡും മറ്റും ചേര്‍ന്ന് തമിഴ്‌നാട്ടിലെ തൂത്തുക്കുടി തുറമുഖത്തുനിന്ന് പിടികൂടുകയായിരുന്നു. എന്നാല്‍ ഇന്ത്യയില്‍ നിന്ന് മാലദ്വീപ് അധികൃതര്‍ ഏറ്റുവാങ്ങിയ ഇദ്ദേഹത്തെ മാലെ ജയിലിലേക്ക് മാറ്റുകയായിരുന്നു. നാവിക സേനയുടെ പ്രത്യേക കപ്പലിലാണ് അദ്ദേഹത്തെ മാലദ്വീപില്‍ എത്തിച്ചിരുന്നത്. ഇന്നലെ പുലര്‍ച്ച അദ്ദേഹത്തെ ധൂനിദൂ ജയിലിലേക്ക് മാറ്റിയതായി സര്‍ക്കാര്‍ ഔദ്യോഗികമായി അറിയിച്ചു.