റിയാദ്: സംഘര്‍ഷം നിലനില്‍ക്കുന്ന സഊദി- യമന്‍ അതിര്‍ത്തിയില്‍ മിസൈല്‍ ആക്രമണത്തില്‍ നാലു സഊദി പൗരന്മാര്‍ കൊല്ലപ്പെട്ടു. യമനിലെ ഇറാന്‍ അനുകൂല ശീഈ ഹൂത്തികള്‍ തൊടുത്തുവിട്ട മിസൈലാണ് സഊദി അതിര്‍ത്തി പ്രദേശമായ ജിസാനില്‍ ജനവാസ കേന്ദ്രത്തില്‍ പതിച്ചത്.

തിങ്കളാഴ്ച പുലര്‍ച്ചെ 1.30 നാണ് ജിസാനിലേക്ക് മിസൈല്‍ തൊടുത്തുവിട്ടത്. ജനവാസ കേന്ദ്രത്തില്‍ ഇവരുടെ വീടുകളുടെ മുകളിലേക്കാണ് മിസൈല്‍ പതിച്ചത്. ഒരു സ്ത്രീയും കുട്ടിയുമുള്‍പ്പെടെ നാലു സഊദി പൗരന്മാരാണ് കൊല്ലപ്പെട്ടത്. മൂന്നു പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്.