കുമളി:  ആദിവാസി നേതാവിനെ കെ.എസ്.ഇ.ബി സബ് എന്‍ജിനിയര്‍ മര്‍ദിച്ചതില്‍ ആദിവാസി ക്ഷേമസമിതി ജില്ലാ കമ്മിറ്റി പ്രതിഷേധിച്ചു.
ഇന്നലെ  പകല്‍ മൂന്നോടെ കുമളി കെ.എസ്.ഇ.ബി ഓഫീസില്‍ എത്തിയ എ.കെ.എസ് സംസ്ഥാന കമ്മിറ്റിയംഗം കെ.ആര്‍ കുട്ടപ്പനാണ് മര്‍ദ്ദനമേറ്റത്.  
കുമളി മന്നാക്കുടി കോളനിയില്‍ ഒരാഴ്ചയായി വൈദ്യുതി മുടങ്ങിയിരിക്കുകയാണ്.
ഇക്കാര്യം അന്വേഷിക്കാന്‍ ഓഫീസില്‍ എത്തിയതായിരുന്നു കുട്ടപ്പന്‍.
ഉദ്യോഗസ്ഥന്‍ മദ്യലഹരിയില്‍ മര്‍ദിക്കുകയായിരുന്നുവെന്ന് ജില്ലാ കമ്മിറ്റി പ്രസ്താവനയില്‍ ആരോപിച്ചു.
കുട്ടപ്പന്‍ കുമളി ഗവണ്‍മെന്റ് ആശുപത്രിയില്‍ ചികിത്സയിലാണ്. ഉദ്യോഗസ്ഥനെതിരെ ആദിവാസി പീഡന നിരോധനിയമം അനുസരിച്ച് കേസെടുക്കണമെന്ന് എ.കെ.എസ് ജില്ലാ പ്രസിഡന്റ് വിഷ്ണു കെ ചന്ദ്രന്‍, സെക്രട്ടറി കെ.എ ബാബു എന്നിവര്‍ ആവശ്യപ്പെട്ടു.