കറാച്ചി: അഫ്ഗാനിസ്ഥാന്‍ ടി20 ലീഗില്‍ പാകിസ്താന്‍ താരങ്ങള്‍ കളിക്കരുതെന്ന് പാകിസ്താന്‍ ക്രിക്കറ്റ് ബോര്‍ഡ് ഉത്തരവ്. താരങ്ങള്‍ക്കൊപ്പം ഒഫിഷ്യല്‍സിനും നിയമം ബാധകമാണ്. പാകിസ്താനുമായുള്ള എല്ലാ ക്രിക്കറ്റ് ബന്ധങ്ങളും അവസാനിപ്പിച്ച അഫ്ഗാനിസ്ഥാന്‍ ക്രിക്കറ്റ് ബോര്‍ഡിന്റെ തീരുമാനത്തിന് പിന്നാലെയാണ് പാകിസ്താന്റെ നടപടി. കഴിഞ്ഞ ദിവസം കാബൂളിലുണ്ടായ ബോംബ് സ്‌ഫോടനത്തിന്റെ പശ്ചാത്തലത്തിലാണ് പാകിസ്താനുമായുള്ള ക്രിക്കറ്റ് ബന്ധം അവസാനിപ്പിക്കാന്‍ അഫ്ഗാനിസ്ഥാന്‍ തീരുമാനിച്ചത്.