നിലമ്പൂര്‍: സുഹൃത്തുക്കള്‍ക്കൊപ്പം ചാലിയാര്‍ പുഴയില്‍ നീന്താനിറങ്ങിയ വിദ്യാര്‍ഥി ഒഴുക്കില്‍പ്പെട്ട് മരിച്ചു. പോത്തുകല്‍ കോടാലിപ്പൊയില്‍ കൊമ്പന്‍തൊടിക അസൈനാര്‍- സാബിറ ദമ്പതികളുടെ മകന്‍ ശാദില്‍ (14) ആണ് മരിച്ചത്.
പോത്തുകല്‍ കാതോലിക്കേറ്റ് ഹയര്‍ സെക്കന്‍ഡറി സ്‌കൂള്‍ ഒന്‍പതാം ക്ലാസ് വിദ്യാര്‍ഥിയാണ്. ഞായറാഴ്ച ഉച്ചക്ക് രണ്ടോടെ ചാലിയാറിലെ അമ്പിട്ടാംപൊട്ടി കടവിലാണ് സംഭവം. അമ്പിട്ടാംപൊട്ടിയില്‍ കൂട്ടുകാരന്റെ സഹോദരിയുടെ വിവാഹത്തില്‍ പങ്കെടുക്കാന്‍ പോയതായിരുന്നു. കൂടെയുണ്ടായിരുന്നവര്‍ വിവരമറിയിച്ചതിനെ തുടര്‍ന്ന് സ്ഥലത്തെത്തിയ നാട്ടുകാര്‍ ശാദിലിനെ കരക്കെത്തിച്ചെങ്കിലും രക്ഷിക്കാനായില്ല. സഹോദരി: സഫ.