ആലപ്പുഴ: കള്ള് മദ്യമല്ലെന്ന് എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. പ്രകൃതിദത്ത പാനീയമാണ് കള്ള്. അടച്ചുപൂട്ടിയ മദ്യശാലകള്‍ തുറന്നുപ്രവര്‍ത്തിക്കുന്നതിനെ എതിര്‍ക്കുന്ന മതമേലധ്യക്ഷന്‍മാര്‍ യാഥാര്‍ഥ്യം മനസിലാക്കണം.
നിരവധിപേര്‍ക്ക് തൊഴിലും കോടികളുടെ വരുമാനവും നല്‍കുന്ന മദ്യ വ്യവസായത്തെ എതിര്‍ത്ത് ഇവര്‍ സര്‍ക്കാരിനെ പ്രതിസന്ധിയിലാക്കുകയാണ്. പള്ളികളില്‍  മദ്യപരെ വിലക്കാനും നേരെയാക്കാനുമുള്ള നടപടികളാണ് മതമേലധ്യക്ഷന്‍മാര്‍ ചെയ്യേണ്ടത്. നല്ല മാംസം കിട്ടാനുള്ള നിയന്ത്രണം മാത്രമാണ് കശാപ്പ് വിലക്കിലൂടെ കേന്ദ്രം ഏര്‍പ്പെടുത്തിയത്. നിയമം പണ്ടേ ഉള്ളതാണെന്നും അദ്ദേഹം പറഞ്ഞു.