റിയാദ്: രാജ്യത്തേക്ക് ഒളിപ്പിച്ചു കടത്താന്‍ ശ്രമിച്ച 20 ലക്ഷത്തിലധികം മയക്കു മരുന്ന് ഗുളികകള്‍ സഊദി കസ്റ്റംസ് പിടികൂടി. ദിബാ തുറമുഖം വഴിയുള്ള കള്ളക്കടത്താണ് അധികൃതര്‍ പിടികൂടിയത്.
ട്രക്കിലെ ഉള്‍ഭാഗത്തെ അടിയില്‍ പ്രത്യേകം തയാറാക്കിയ സ്ഥലത്തു ഒളിപ്പിച്ച നിലയിലാണ് 2,189,000 മയക്കു മരുന്ന് ഗുളികകള്‍ കടത്താന്‍ ശ്രമം നടന്നതെന്ന് ദിബാ കസ്റ്റംസ് മേധാവി അലി അല്‍ അതാവിയെ ഉദ്ധരിച്ചു സഊദി വാര്‍ത്താ ഏജന്‍സി റിപ്പോര്‍ട്ട് ചെയ്തു .