സിയൂള്‍: ഫിഫ അണ്ടര്‍ 20 ലോകകപ്പില്‍ ഉറുഗ്വെ- വെനസ്വല, ഇറ്റലി- ഇംഗ്ലണ്ട് സെമി പോരാട്ടങ്ങള്‍. അവസാന ക്വാര്‍ട്ടറില്‍ ഇംഗ്ലണ്ട് മറുപടിയില്ലാത്ത ഒറ്റ ഗോളിന് മെക്‌സിക്കോയെ പരാജയപ്പെടുത്തി. ത്രില്ലര്‍ പോരാട്ടത്തില്‍ അട്ടിമറി വീരന്‍മാരായ സാംബിയയെ 3-2ന് വീഴ്ത്തിയാണ് ഇറ്റലിയുടെ വിജയം. നിശ്ചിത സമയത്ത് സ്‌കോര്‍ 2-2 ആയതോടെ മത്സരം അധിക സമയത്തേക്ക് നീണ്ടു. അധിക സമയത്തിന്റെ 111ാം മിനുട്ടില്‍ വല ചലിപ്പിച്ച് ഇറ്റലി വിജയം പിടിച്ചെടുക്കുകയായിരുന്നു. ഈ മാസം എട്ടിനാണ് സെമി പോരാട്ടങ്ങള്‍.