അമ്പലപ്പുഴ: ബൈക്കിലെത്തിയ ഹെല്‍മെറ്റ് ധാരികള്‍ റിട്ട. അധ്യാപികയുടെ മാല പൊട്ടിച്ചു കടന്നു. അമ്പലപ്പുഴ തെക്ക് പഞ്ചായത്ത് ശാസ്തമംഗലം വീട്ടില്‍ സരോജിനിയമ്മ (75) ന്റെ മൂന്നു പവന്‍ തൂക്കം വരുന്ന രണ്ടു മാലകളാണ് പൊട്ടിച്ചു കടന്നത്.
ഇന്നലെ രാവിലെ 10.30 ഓടെയായിരുന്നു സംഭവം. ക്ഷേത്രത്തില്‍പോയി മടങ്ങിയ ഇവരുടെ വീടിനു സമീപത്തെ ചിറപ്പറമ്പ് റോഡിലേക്കുള്ള ഇടവഴിയില്‍ സരോജിനിയമ്മയെ തള്ളി നിലത്തിട്ട ശേഷം മാല പൊട്ടിച്ചെടുക്കുകയായിരുന്നു. കഴുത്തിനു മുറിവേറ്റ സരോജിനിയമ്മയെ വണ്ടാനം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഇവരുടെ പരാതിയെ തുടര്‍ന്ന് അമ്പലപ്പുഴ പൊലിസ് കേസെടുത്ത് അന്വഷണമാരംഭിച്ചു.