മലപ്പുറം: ജനാധിപത്യത്തിന്റെ നാലാം കാവല്‍തൂണായ മാധ്യമങ്ങളോട് കോഴിക്കോട്ടും കൊച്ചിയിലും തിരുവനന്തപുരത്തും ചില അഭിഭാഷകരും പൊലിസ് ഉദ്യോഗസ്ഥരും ജനാധിപത്യവിരുദ്ധമായി പെരുമാറിയതില്‍ പ്രതിഷേധിച്ച് മാധ്യമസ്വാതന്ത്ര്യം സംരക്ഷിക്കാന്‍ 'രശ്മി' ഫിലിം സൊസൈറ്റിയുടെ ആഭിമുഖ്യത്തില്‍ വായമൂടിക്കെട്ടി ടൗണില്‍ പ്രകടനം നടത്തി.  
പ്രസിഡന്റ് മണമ്പൂര്‍ രാജന്‍ബാബു, ട്രഷറര്‍ വി.എം. സുരേഷ്‌കുമാര്‍, ടി.സുഗത, വി.എം. മനോജ്, ഹനീഫ് രാജാജി, എ. ബാബു, എ. ശ്രീധരന്‍, കെ. ഉദയകുമാര്‍ സംസാരിച്ചു.