കോഴിക്കോട്: വൈദേശിക കോളനിവല്‍ക്കരണത്തിനെതിരേ സമരോത്സുകമായ പോരാട്ടം നടത്തിയ കുഞ്ഞാലി മരക്കാര്‍മാരുടെ സ്മാരക പ്രഭാഷണം നടത്തുന്നു.
കേരള ഭാഷാ ഇന്‍സ്റ്റിറ്റ്യൂട്ട് പ്രാദേശിക കേന്ദ്രവും കുഞ്ഞാലി മരക്കാര്‍ റിസേര്‍ച്ച് ഫൗണ്ടേഷനും സംയുക്തമായി സംഘടിപ്പിക്കുന്ന പരിപാടി 22ന് വൈകിട്ട് 3.30ന് ചെറൂട്ടി റോഡിലെ എന്‍.വി ഹാളില്‍ (ഭാഷാ ഇന്‍സ്റ്റിറ്റ്യൂട്ട് പ്രാദേശിക കേന്ദ്രം) നടക്കും. ഫാറൂഖ് കോളജ് ചരിത്രവിഭാഗം മേധാവി ഫൊഫ. ടി. മുഹമ്മദലി സ്മാരക പ്രഭാഷണംനടത്തും. കേരള ഭാഷാ ഇന്‍സ്റ്റിറ്റ്യൂട്ട് അസി. ഡയറക്ടര്‍ എന്‍ ജയകൃഷ്ണന്‍ അധ്യക്ഷനാകും.