ചേളാരി: 'നന്മ കൊണ്ട് നാടൊരുക്കാം, വിദ്യകൊണ്ട് കൂടുതീര്‍ക്കാം' എന്ന പ്രമേയവുമായി ഡിസംബര്‍ 24, 25, 26 തിയതികളില്‍ മലപ്പുറം ബൈത്തുല്‍ ഹികമില്‍ നടക്കുന്ന എസ്.കെ.എസ്.ബി.വി സില്‍വര്‍ ജൂബിലി സമാപന സമ്മേളനത്തിന്റെ ഭാഗമായി റെയ്ഞ്ച് ചെയര്‍മാന്‍, കണ്‍വീനര്‍മാരുടെ സംസ്ഥാനസംഗമം സംഘടിപ്പിച്ചു. സംസ്ഥാന പ്രസിഡന്റ് പാണക്കാട് സയ്യിദ് അസീല്‍ അലി ശിഹാബ് തങ്ങള്‍ ഉദ്ഘാടനം ചെയ്തു.
എം.എ ചേളാരി അധ്യക്ഷനായി. മഅ്മൂന്‍ ഹുദവി വണ്ടൂര്‍ മുഖ്യപ്രഭാഷണം നടത്തി. ഡോ.എന്‍.എ.എം അബ്ദുല്‍ ഖാദര്‍, എ.കെ ആലിപ്പറമ്പ്, കെ.കെ ഇബ്‌റാഹിം മുസ്‌ലിയാര്‍, മൊയ്തീന്‍ മുസ്‌ലിയാര്‍ പുറങ്ങ്, കെ.ടി ഹുസൈന്‍ കുട്ടി മൗലവി, ഹസൈനാര്‍ ഫൈസി ഫറോക്ക്, സയ്യിദ് സദഖത്തുല്ല തങ്ങള്‍, ഫുആദ് വെള്ളിമാട്കുന്ന്, റബീഉദ്ദീന്‍ വെന്നിയൂര്‍, ശഫീഖ് മണ്ണഞ്ചേരി, റിസാല്‍ദര്‍ അലി ആലുവ, ഫര്‍ഹാന്‍ മില്ലത്ത്, സുഹൈല്‍ കുടക്, ഫര്‍ഹാന്‍ കൊടക്, ജന.സെക്രട്ടറി അഫ്‌സല്‍ രാമന്തളി സംസാരിച്ചു.
'നന്മ കൊണ്ട് നാടൊരുക്കാം, വിദ്യകൊണ്ട് കൂടുതീര്‍ക്കാം' എന്ന പ്രമേയവുമായി ഡിസംബര്‍ 24, 25, 26 തിയതികളില്‍ മലപ്പുറം ബൈത്തുല്‍ ഹികമിലാണ് സമ്മേളനം.