വടക്കാഞ്ചേരി: മുളങ്കുന്നത്ത്കാവ് മെഡിക്കല്‍ കോളജിലെ അതിരൂക്ഷമായ മാലിന്യ പ്രശ്‌നത്തിന് പരിഹാരം കാണാന്‍ അടിയന്തര നടപടി സ്വീകരിക്കണമെന്ന് എന്‍.ജി.ഒ അസോസിയേഷന്‍ മെഡിക്കല്‍ കോളജ് ബ്രാഞ്ച് വാര്‍ഷിക സമ്മേളനം ആവശ്യപ്പെട്ടു. ഖരമാലിന്യങ്ങള്‍ കുമിഞ്ഞ് കൂടി കിടക്കുന്നത് മൂലം രോഗികള്‍ അനുഭവിക്കുന്ന ദുരിതത്തിന് പരിഹാരം കാണണം. സംസ്ഥാന സര്‍ക്കാരിന്റെ വിഹിതം ഉറപ്പ് വരുത്തി കൊണ്ട് മാത്രമെ ഗവണ്‍മെന്റ് ജീവനക്കാര്‍ക്ക് ആരോഗ്യ ഇന്‍ഷുറന്‍സ് പദ്ധതി നടപ്പിലാക്കാവു. 

ജീവനക്കാരെ രാഷ്ട്രീയ പ്രേരിതമായി സ്ഥലം മാറ്റുകയും, ദ്രോഹിക്കുകയും ചെയ്യുന്ന നടപടി ഉപേക്ഷിക്കണമെന്നും സമ്മേളനം ആവശ്യപ്പെട്ടു. സംസ്ഥാന വൈസ് പ്രസിഡന്റ്് വി. മോഹന ചന്ദ്രന്‍ ഉദ്ഘാടനം ചെയ്തു. ബ്രാഞ്ച് പ്രസിഡന്റ് കെ.പി ഗിരീഷ് അധ്യക്ഷനായി.
കെ.പി ജോസ്, സന്തോഷ് തോമാസ്, സി.ജെ വിത്സന്‍, കെ.ബി ശ്രീധരന്‍, കെ.എന്‍ നാരായണന്‍, എ.എസ് നദീറ, പി.വി റോയ്, എം.ഒ ഡെയ്‌സണ്‍, കെ.എസ് മധു, കെ.എ ഷെക്കീര്‍ എന്നിവര്‍ പ്രസംഗിച്ചു. ബ്രാഞ്ച് പ്രസിഡന്റായി കെ.പി ഗിരീഷിനേയും, സെക്രട്ടറിയായി കെ.എസ് മധുവിനേയും, ഖജാന്‍ജിയായി എം.ജി രഘുനാഥിനേയും തെരഞ്ഞെടുത്തു.