ന്യൂയോര്‍ക്ക്: യു.എസ് ഓപ്പണിലെ രïാം റൗïില്‍ യുവാന്‍ ലോïേറോയുമായുള്ള മത്സരത്തില്‍ പരുക്കെത്തിയെങ്കിലും അതിനെ വകവയ്ക്കാതെ റാക്കറ്റേന്തിയ ദ്യോകോവിച്ച് മൂന്നാം റൗïിലേക്ക് പ്രവേശിച്ചു. ടൂര്‍ണമെന്റിലെ മൂന്നാം സീഡ് റോജര്‍ ഫെഡറര്‍, ഏഴാം സീഡ് കെയ് നിഷികോരി, സീഡില്ലാ താരം ഡൊമിനിക് കോപ്ഫര്‍ എന്നിവരും അടുത്ത റൗïിലേക്ക് കടന്നു. 12ാം സീഡ് ഗ്രീഗറി ദിമിത്രോവിന് വാക്കോവര്‍ ലഭിച്ചു. വനിതകളില്‍ മൂന്നാം സീഡ് കരോളിന പ്ലിസ്‌കോവ, മുന്‍ ചാംപ്യനും എട്ടാം സീഡുമായ സെറീന വില്യംസ്, രïാം സീഡും നിലവിലെ ഫ്രഞ്ച് ഓപ്പണ്‍ ചാംപ്യനുമായ ആഷ്‌ലി ബാര്‍ട്ടി, അഞ്ചാം സീഡ് എലീന സ്വിറ്റോളിന, 10ാം സീഡ് മാഡിസന്‍ കീസ് എന്നിവരും അടുത്ത റൗïിലേക്ക് ടിക്കറ്റെടുത്തു.
ലോക 56ാം നമ്പര്‍ താരമായ ലോïേറോയ്‌ക്കെതിരേ റാക്കറ്റേന്തിയ ദ്യോകോവിച്ചിന് മത്സരത്തിനിടെ ഷോള്‍ഡറില്‍ പരുക്കേല്‍ക്കുകയായിരുന്നു. എന്നാല്‍ അല്‍പനേരത്തെ ചികിത്സയ്ക്ക് ശേഷം കോര്‍ട്ടില്‍ വീïുമിറങ്ങിയ നിലവിലെ ലോക ഒന്നാം നമ്പര്‍ താരം നേരിട്ടുള്ള മൂന്നു സെറ്റുകള്‍ക്ക് വെന്നിക്കൊടി നാട്ടി. സ്‌കോര്‍ 6-4, 7-6, 6-1.
അതേസമയം, യു.എസ് ഓപ്പണില്‍ തന്റെ നൂറാം ജയമാണ് ഇന്നലെ ഫെഡറര്‍ ആര്‍തര്‍ ആഷെ സ്റ്റേഡിയത്തില്‍ കുറിച്ചത്. ലോക 99ാം നമ്പര്‍ താരം ദാമിര്‍ സുമുറുമായുള്ള മത്സരത്തില്‍ ആദ്യ സെറ്റ് നഷ്ടമായതിന് ശേഷം തിരിച്ചുവരവ് നടത്തിയാണ് ഫെഡറര്‍ വിജയം കൈക്കലാക്കിയത്. സ്‌കോര്‍: 3-6, 6-2, 6-3, 6-4.