ഉഴവൂര്‍: ഉഴവൂര്‍ ഒ.എല്‍.എല്‍ ഹയര്‍ സെക്കന്‍ഡറി സ്‌കൂള്‍ മലയാള വിഭാഗത്തിന്റെയും എന്‍.എസ്.എസ് യൂനിറ്റിന്റെയും ആഭിമുഖ്യത്തില്‍ നാടക ശില്‍പശാല നടത്തി.  സ്‌കൂളിലെ 50 കുട്ടികള്‍ ഏകദിന നാടക പരശീലന കളരിയില്‍ പങ്കെടുത്തു.  അവഗണന നേരിടുന്ന നാട്യകലയെക്കുറിച്ച് പുതിയ തലമുറയ്ക്ക് അവബോധം നല്‍കാന്‍ ക്ലാസുകള്‍ ഉപകരിച്ചു.  പ്രമുഖ നാടകകൃത്ത്  ഓണംതുരുത്ത് രാജശേഖരന്‍ ക്ലാസ്സുകള്‍ നയിച്ചു.  പരിപാടികള്‍ക്ക് സ്‌കൂള്‍ പ്രിന്‍സിപ്പല്‍  പി.ജെ എബ്രാഹം, എന്‍.എസ്.എസ് പ്രോഗ്രാം കോര്‍ഡിനേറ്റര്‍  വേണു പത്മനാഭന്‍, മലയാളം അധ്യാപകന്‍  സ്റ്റീഫന്‍സണ്‍ എബ്രാഹം എന്നിവര്‍ നേതൃത്വം നല്‍കി.