കന്നൗജ്: പതിനാലുകാരിയെ ബലാത്സംഗം ചെയ്തശേഷം കൊലപ്പെടുത്തിയ ദുര്‍മന്ത്രവാദിയെ പൊലിസ് അറസ്റ്റ് ചെയ്തു. ഉത്തര്‍പ്രദേശിലെ കന്നൗജിലാണ് സംഭവം.

കന്നൗജ് ജില്ലയിലെ ഭാദൂസി ഗ്രാമത്തില്‍ കഴിഞ്ഞയാഴ്ചയാണ് സംഭവം നടന്നത്. കൃഷ്ണ കുമാര്‍ എന്ന ദുര്‍മന്ത്രവാദി കുട്ടിയെ ചോളപ്പാടത്തേക്ക് കൊണ്ടുപോവുകയും പീഡിപ്പിക്കുകയുമായിരുന്നു.

തന്റെ മുന്‍ഗാമിയുടെ വീട്ടില്‍ കുഴിച്ചിട്ട സ്വര്‍ണം കണ്ടെത്താന്‍ സഹായിക്കണമെന്നാവശ്യപ്പെട്ടാണ് കുട്ടിയുടെ പിതാവ് മഹാവീര്‍ പ്രസാദ് ഇയാളെ സമീപിച്ചത്. ഇതേത്തുടര്‍ന്ന് കുട്ടിയെ ബലിനല്‍കണമെന്ന് നിര്‍ദേശിക്കുകയായിരുന്നു. എന്നാല്‍ അതിന് മാതാപിതാക്കള്‍ തയ്യാറായിരുന്നില്ല.

പൂജ കര്‍മ്മങ്ങള്‍ക്കായി ക്ഷേത്രത്തിലെത്തണമെന്നും തുടര്‍ നടപടികള്‍ക്കായി കുട്ടിയെ വിട്ടുതരണമെന്നും പറഞ്ഞ് പാടത്തേക്ക് കൂട്ടിക്കൊണ്ടുപോയി പീഡിപ്പിക്കുകയായിരുന്നു. ശേഷം കുട്ടിയെ കൊലപ്പെടുത്തി ഇയാള്‍ മുങ്ങുകയായിരുന്നു. പിന്നീട് പൊലിസാണ് കുട്ടിയെ മൃതദേഹം കണ്ടെടുത്തത്.