ആലപ്പുഴ: മന്ത്രിസ്ഥാനത്തേക്ക് വരുന്നത് സംബന്ധിച്ചുള്ള ആദ്യ ചുവട് മുഖ്യമന്ത്രിയെ കാണുന്നതാണെന്ന് തോമസ്.കെ.തോമസ് എംഎല്‍എ. എന്‍സിപി ദേശീയ നേതൃത്വം പറഞ്ഞത് നടപ്പിലാക്കണമെന്നേ തനിക്കുള്ളൂവെന്നും, തനിക്ക് മന്ത്രിയാവണമെന്നില്ലെന്നും, മന്ത്രിസ്ഥാനം വേണമെന്ന് ആരോടും ആവശ്യപ്പെട്ടിട്ടില്ലെന്നും എംഎല്‍എ പറയുന്നു. രണ്ടര വര്‍ഷം മന്ത്രി സ്ഥാനം പങ്കിടണം എന്നത് നേരത്തെ ഉള്ള തീരുമാനമാണെന്നും, മന്ത്രി സ്ഥാനം നല്‍കിയില്ലെങ്കില്‍ എംഎല്‍എ സ്ഥാനം രാജി വെയ്ക്കുമെന്ന് എവിടെയും പറഞ്ഞിട്ടില്ലെന്നും തോമസ് കെ തോമസ് വ്യക്തമാക്കി.

മന്ത്രിസ്ഥാനം മാറണമെന്ന് ശരദ് പവാര്‍ ശശീന്ദ്രനോട് നേരിട്ട് ആവശ്യപ്പെട്ടിട്ടുണ്ട്. പാര്‍ട്ടി തീരുമാനം നടപ്പിലാക്കണം, പാര്‍ട്ടിയുടെ കെട്ടുറപ്പാണ് പ്രധാനം. അനാവശ്യമായ ഒരു വിവാദത്തിനും അടിസ്ഥാനമില്ലെന്നും, എന്തുകൊണ്ടാണ് ഇത്ര പ്രശ്‌നം എന്ന് മനസ്സിലാവുന്നില്ലെന്നും എംഎല്‍എ പറയുന്നു. മുഖ്യമന്ത്രി പറഞ്ഞത് എന്‍സിപി എടുക്കുന്ന തീരുമാനം അറിയിക്കാനാണ്, മൂന്നാം തിയ്യതി താനും എ.കെ ശശീന്ദ്രനും പി.സി ചാക്കോയും മുഖ്യമന്ത്രിയെ കാണും. പാര്‍ട്ടി തീരുമാനം മുഖ്യമന്ത്രി അംഗീകരിക്കും. സി.പി.എമ്മിന്റെ വോട്ടുണ്ടെങ്കിലേ കുട്ടനാട്ടില്‍ ജയിക്കാന്‍ സാധിക്കുവെന്നും, യുഡിഎഫിലേക്ക് പോകില്ലെന്നും എന്നും എല്‍ഡിഎഫിനൊപ്പമായിരിക്കുമെന്നും അദ്ദേഹം വ്യക്തമാക്കി.

Thomas K. Thomas emphasizes the importance of party discipline, stating that implementing party decisions is crucial, and party unity is paramount, even if it means not becoming a minister.