തിരുവനന്തപുരം: ശബരിമലയില്‍ സ്ത്രീപ്രവേശനവുമായി ബന്ധപ്പെട്ട് നടന്ന അക്രമസംഭവങ്ങളില്‍ ഇതുവരെയായി അറസ്റ്റിലായത് 1407 പേര്‍. 258 കേസുകളാണ് ഇതുവരെയായി രജിസ്റ്റര്‍ ചെയ്തത്. അക്രമസംഭവങ്ങളില്‍പ്പെട്ട 210 പേരുടെ ചിത്രങ്ങള്‍ നേരത്തെ പോലിസ് പ്രസിദ്ധീകരിച്ചിരുന്നു. ഇതില്‍ അബദ്ധത്തില്‍ ഉള്‍പ്പെട്ട പോലിസുകാരെയും ഉദ്യോഗസ്ഥരുമായ 14 പേരെ ഒഴിവാക്കി.

അറസ്റ്റിലായവരില്‍ ഏറ്റവും കൂടുതല്‍ പേര്‍ പത്തനംതിട്ടയില്‍ നിന്നാണ്. നാലു ദിവസത്തിനിടെ ഇവിടെ നിന്നും 170 പേരാണ് അറസ്റ്റിലായത്. അക്രമത്തില്‍ ഉള്‍പ്പെട്ട കൂടുതല്‍ പേരുടെ ചിത്രങ്ങള്‍ പുറത്തുവിടുമെന്നും പോലിസ് അറിയിച്ചു.