പൂക്കോട്ടുംപാടം: എസ്.പിയുടെ നിര്‍ദ്ദേശപ്രകാരം പൂക്കോട്ടുംപാടം പൊലിസ് നടത്തിവരുന്ന പ്രത്യേക പരിശോധനയില്‍ പൂക്കോട്ടുംപാടത്തെ  സ്റ്റേഷനറി കടകളില്‍ നിന്നും അനുമതിയില്ലാത്ത സിഗരറ്റ് പാക്കുകള്‍ പിടിച്ചെടുത്തു. ശനിയാഴ്ച ഉച്ചയ്ക്ക് ശേഷം നടത്തിയ പരിശോധനയില്‍ കടകളില്‍ നിന്നും  28  സിഗരറ്റ് പാക്കറ്റുകളാണ് പൊലിസ് പിടിച്ചെടുത്തത്. കഴിഞ്ഞ ദിവസം കഞ്ചാവ് ഉപയോഗിക്കുന്ന പത്തു പേരെ പൊലിസ് പിടികൂടിയിരുന്നു.ഇവരില്‍ നിന്നുമാണ് ഇത്തരത്തിലുള്ള സിഗരറ്റിനെക്കുറിച്ചുള്ള വിവരം പൊലിസിനു ലഭ്യമായത്. നിയമാനുസൃതമല്ലാത്ത സിഗരറ്റ് വില്‍പ്പന നടത്തിയ കടയുടമകളുടെ പേരില്‍ പൊലിസ് കേസെടുത്തിട്ടുണ്ട്. പൂക്കോട്ടുംപാടം എസ്.ഐ അമൃത് രംഗന്റെ നേതൃത്വം നല്‍കി.