നാദാപുരം: ടൗണുകളിലെ ഓടകളില്‍ തള്ളുന്ന പ്ലാസ്റ്റിക് മാലിന്യങ്ങള്‍ ഒഴുകിയെത്തുന്നത് തോടുകളിലേക്ക്. കല്ലാച്ചിയിലെ വ്യാപാര സ്ഥാപനങ്ങളില്‍ നിന്നും കടകളില്‍ നിന്നും ഉപയോഗത്തിന് ശേഷം ഓടകളില്‍ നിക്ഷേപിക്കുന്ന പ്ലാസ്റ്റിക് കുപ്പികളും മറ്റ് വസ്തുക്കളുമാണ് മഴ കനത്തതോടെ ചെറു തോടുകള്‍ വഴി ജലാശയങ്ങളിലേക്ക് ഒഴുകിയെത്തുന്നത്.
പ്ലാസ്റ്റിക് വിമുക്ത നയത്തിന്റെ ഭാഗമായി പ്ലാസ്റ്റിക് ഉള്‍പ്പെടെയുള്ള വസ്തുക്കളുടെ ഉപയാഗത്തിനു പഞ്ചായത്ത് നിയന്ത്രണം ഏര്‍പ്പെടുത്തിയിട്ടുണ്ടെങ്കിലും ഫല പ്രദമായിട്ടില്ല. പാഴ് വസ്തുക്കളും പ്ലാസ്റ്റിക് ഉല്‍പന്നങ്ങളും ഓട കളിലേക്ക് തള്ളുന്നത് വെള്ളക്കെട്ടിനിടയാക്കുകയും താഴ്ന്ന സ്ഥലത്തെ കടകളിലും മറ്റും വെള്ളം കയറുന്നതും പതിവാണ്.
ഇതു മുന്നില്‍ക്കണ്ട് മഴയ്ക്ക് മുമ്പേ ഓടകളുടെ ശുദ്ധീകരണം പഞ്ചായത്ത് മുന്‍കൈയെടുത്തു പൂര്‍ത്തിയാക്കിയിരുന്നു. ഓടകളില്‍  തള്ളുന്ന ഇത്തരം മാലിന്യങ്ങള്‍ ഒഴുകിയെത്തുന്നത് തൊട്ടടുത്ത പുളിക്കൂല്‍ തോട്ടിലേക്കാണ്.
ഇവിടം മാലിന്യങ്ങള്‍ നിറഞ്ഞതിനെ തുടര്‍ന്നു നാട്ടുകാര്‍ ലക്ഷങ്ങള്‍ ചെലവഴിച്ചു ശുദ്ധീകരണം നടത്തി ഉപയോഗ യോഗ്യമാക്കുകയായിരുന്നു.