HOME
DETAILS

ശബരിമല: താനൂരില്‍ നാലുപേര്‍ അറസ്റ്റില്‍

  
backup
October 27 2018 | 04:10 AM

%e0%b4%b6%e0%b4%ac%e0%b4%b0%e0%b4%bf%e0%b4%ae%e0%b4%b2-%e0%b4%a4%e0%b4%be%e0%b4%a8%e0%b5%82%e0%b4%b0%e0%b4%bf%e0%b4%b2%e0%b5%8d%e2%80%8d-%e0%b4%a8%e0%b4%be%e0%b4%b2%e0%b5%81%e0%b4%aa%e0%b5%87

താനൂര്‍: ശബരിമലയിലെ സ്ത്രീ പ്രവേശനവുമായി ബന്ധപ്പെട്ട് നടത്തിയ ഹര്‍ത്താലിനെ തുടര്‍ന്ന് താനൂരില്‍ ഉണ്ടായ അക്രമങ്ങളില്‍ നാല് ആര്‍.എസ്.എസ് പ്രവര്‍ത്തകര്‍ അറസ്റ്റില്‍. കെ പുരം സ്വദേശി മേനോത്തിയില്‍ സനീഷ് (39), താനൂര്‍ സ്വദേശികളായ തോണ്ടാടാലില്‍ രോഹിത് (27), വിണ്ണം ചാത്തേരി ഷിജു (31) മേലെ കളത്തില്‍ സുധീഷ് (29) എന്നിവരാണ് താനൂര്‍ പൊലീസ് പിടിയിലായത്.
കഴിഞ്ഞ വ്യാഴാഴ്ചയായിരുന്നു കേരളത്തിലുടനീളം ഹര്‍ത്താല്‍ ആചരിച്ചത്. അന്നേദിവസം താനൂര്‍ ശോഭപ്പറമ്പ് ക്ഷേത്രത്തിനു സമീപം ഓട്ടോയില്‍ സഞ്ചരിക്കുകയായിരുന്ന എസ്.ഡി.പി.ഐ പ്രവര്‍ത്തകനെ ഹര്‍ത്താല്‍ അനുകൂലികളായ ആര്‍.എസ്.എസ് പ്രവര്‍ത്തകര്‍ തടയുകയുണ്ടായി. തുടര്‍ന്നുണ്ടായ സംഘര്‍ഷം തടയാനെത്തിയ പൊലിസുകാര്‍ക്കെതിരേ ആര്‍.എസ്.എസ് പ്രവര്‍ത്തകര്‍ കല്ലെറിയുകയും രണ്ട് പൊലിസുകാര്‍ക്ക് പരിക്കേല്‍ക്കുകയും ചെയ്തിരുന്നു. സി.ഐ എം.ഐ ഷാജി, എസ്.ഐ നവീന്‍ ഷാജ് എന്നിവരടങ്ങുന്ന സംഘമാണ് പ്രതികളെ പിടികൂടിയത്. പരപ്പനങ്ങാടി കോടതിയില്‍ ഹാജരാക്കി റിമാന്‍ഡ് ചെയ്തു.

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."