മലപ്പുറം: സമസ്ത കേരള ജംഇയ്യത്തുല്‍ ഉലമാ അധ്യക്ഷനും ജാമിഅ നൂരിയ്യ പ്രിന്‍സിപ്പലുമായിരുന്ന കെ.കെ അബൂബക്കര്‍ ഹസ്രത്ത് അവാര്‍ഡ് സമര്‍പ്പണം നാളെ നടക്കും.
ജാമിഅ നൂരിയ്യ പൂര്‍വ വിദ്യാര്‍ഥി സംഘടനയായ ഓസ്‌ഫോജ്‌നയുടെ യു.എ.ഇ ഘടകം നല്‍കുന്ന അവാര്‍ഡിന് പ്രമുഖ പണ്ഡിതനും പട്ടിക്കാട് ജാമിഅ നൂരിയ്യയിലെ സീനിയര്‍ അധ്യാപകനുമായ കോട്ടുമല മൊയ്തീന്‍ കുട്ടി മുസ്‌ലിയാരാണ് അര്‍ഹനായത്.
ഉച്ചക്ക് രണ്ടിന് മലപ്പുറം സുന്നിമഹലില്‍ നടക്കുന്ന ചടങ്ങില്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ അവാര്‍ഡ് സമര്‍പ്പിക്കും.