ഫിറോസ്പൂര്‍: പഞ്ചാബിലെ ഫിറോസ്പൂര്‍ മേഖലയില്‍ അതിര്‍ത്തി കടന്നെത്തിയ രണ്ട് പാക് സൈനികരെ ബി.എസ്.എഫ് പിടികൂടി. സിറാജ് അഹമ്മദ് (31), മുംതസ് ഖാന്‍(38) എന്നിവരാണ് പിടിയിലായത്. പാക് സൈന്യത്തിലെ ബലൂച്ച് റെജിമെന്റിലെ അംഗങ്ങളാണ് ഇരുവരുമെന്ന് സ്ഥിരീകരിച്ചിട്ടുണ്ട്. മുംതസില്‍നിന്ന് 3,660 രൂപ, മൊബൈല്‍ ഫോണ്‍, സിം കാര്‍ഡ്, പാക് സൈന്യത്തിന്റെ തിരിച്ചറിയല്‍ കാര്‍ഡുകള്‍, നാല് ഫോട്ടോകള്‍, എന്നിവയും സിറാജ് അഹമ്മദില്‍നിന്ന് 1,040 രൂപയും കണ്ടെടുത്തിട്ടുണ്ട്. കഴിഞ്ഞ മാര്‍ച്ചില്‍ രവികുമാര്‍ എന്നുപേരായ ഒരു പാക് ചാരനെയും പിടികൂടിയിരുന്നു.