ന്യൂഡല്‍ഹി: സി.ബി.ഐ മുന്‍ സ്‌പെഷല്‍ ഡയരക്ടര്‍ രാകേഷ് അസ്താനയുടെ അറസ്റ്റ് വ്യാഴാഴ്ചവരെ ഡല്‍ഹി ഹൈക്കോടതി തടഞ്ഞു.
അസ്താന നല്‍കിയ ഹരജിയില്‍ മറുപടി നല്‍കാത്തതില്‍ നീരസം പ്രകടിപ്പിച്ച കോടതി സി.ബി.ഐക്ക് കൂടുതല്‍ അന്വേഷണത്തിനായി ഒരാഴ്ച കൂടി സമയം അനുവദിച്ചു. സി.ബി.ഐ ഡയരക്ടര്‍ സ്ഥാനത്തുനിന്ന് നീക്കപ്പെട്ട അലോക് വര്‍മയെക്കുറിച്ചുള്ള ആരോപണങ്ങളില്‍ രണ്ടാഴ്ചക്കകം അന്വേഷണം പൂര്‍ത്തിയാക്കണമെന്ന് കേന്ദ്ര വിജിലന്‍സ് കമ്മിഷന് സുപ്രിംകോടതി നിര്‍ദേശം നല്‍കിയിരുന്നു.
ഡയരക്ടറുടെ താല്‍ക്കാലിക ചുമതലയുള്ള എം. നാഗേശ്വര റാവു നയപരവും സുപ്രധാനവുമായ തീരുമാനങ്ങളെടുക്കുന്നതും കോടതി വിലക്കിയിട്ടുണ്ട്.